Alǵys aıtý kúni: Almatyda mereke qurmetine qandaı is-sharalar ótedi
1 naýryzda Almatyda Alǵys aıtý kúnine arnalǵan is-sharalar 29 aqpanda bastalady. Osy kúni saǵat 11:00 - de Memlekettik muraǵatta Almaty qalasynyń etnomádenı qoǵamdyq birlestikteri ókilderiniń qatysýymen «ALǴYS AITÝ-ASYL QASIET» dóńgelek ústeliniń otyrysy ótedi.
Mereke kúni Almaty mektepterinde synyp saǵattary men ashyq sabaqtar, sondaı-aq qalalyq kitaphanalarda kitap kórmeleri men ádebı saǵattar ótedi.
Budan basqa, 1 naýryzda Almatyda kelesi is-sharalar ótedi:
- «Senim» áleýmettik qyzmetter ortalyǵynda saǵat 10:30 – da «Alǵys aıtý – paryzym» konserti ótedi, al «Jańa ǵasyr» jastar teatrynyń aktelary saǵat 11:00-de №2 qalalyq balalar úıinde «Arystan patsha» spektaklin qoıady.
- Memlekettik qýyrshaq teatrynda saǵat 11:00-de «Alladınniń sıqyrly shamy», al 16:00-de «Arystannyń qorqynyshyn qalaı emdeýge bolady?» spektáklderi kórsetiledi.
- saǵat 11:00-de Ahmet Baıtursynov murajaı-úıinde ǵalymdar, tarıhshylar men alashtanýshylardyń qatysýymen Alǵys aıtý kúnine oraılastyrylǵan dóńgelek ústel ótedi.
- saǵat 15:00-de Alatau Cretive Hub-ta mektep oqýshylary arasynda «Alǵysqa toly aq júrek!» poetıkalyq konkýrsy bolady.
- dál osy ýaqytta D. A. Qonaev mýzeıinde merekege oraı «Qurmetti Dinmuhamed Ahmetuly» hattar kórmesi ashylady.
- N.Tilendıevtiń memorıaldyq mýzeıinde saǵat 16:00-de «Rızashylyq meıirimdilik bulaǵy» atty merekelik konserttik baǵdarlama uıymdastyrylady.
Almaty qalasynyń volonterlik uıymdary mereke kúni qalalyq komýnaldyq qyzmetterge shaı men baýyrsaq taratýdy jáne qalanyń pansıonattarynda jalǵyzbasty zeınetkerlerdi quttyqtaýdy uıymdastyrýdy josparlap otyr. Sondaı-aq, qalanyń árbir komúnıtı ortalyǵynda konsertter men túrli formattaǵy is-sharalar uıymdastyrylady.
Sonymen qatar, qalanyń keıbir aýdandarynda merekelik konsertter ótedi:
- Túrksib aýdanynda 29 aqpan kúni saǵat 15:00-de №6 Oqýshylar úıinde Alǵys aıtý kúnine arnalǵan «Alǵysym sheksiz halqyma» atty konserttik is-shara ótedi.
- Naýryzbaı aýdanynda 1 naýryz kúni saǵat 12:00-de Shuǵyla sh/a, 347/4 mekenjaıda oqýshylardyń ınovasıalyq shyǵarmashylyq ortalyǵynda merekelik konsert ótedi.
- Áýezov aýdanynda 1 naýryz kúni saǵat 12:00-de Almaty servıstik qyzmet kórsetý kolejinde Qabdolov kóshesi, 12 mekenjaı boıynsha aýdannyń shyǵarmashylyq ujymdarynyń qatysýymen merekelik konsert ótedi.