Ol Tokıoda daýys bergen.
Qazaqstan Respýblıkasynyń Japonıa men Koreıa Respýblıkasyndaǵy azamattary QR Prezıdentiniń kezekten tys saılaýynda daýys berý quqyǵyn alǵashqylardyń biri bolyp paıdalandy, dep habarlaıdy Almaty-akshamy.kz Elorda.info saıtyna sileme jasap.
Osylaısha, Tokıo qalasynda saılaýda daýys bergen alǵashqy qazaqstandyq kásipker Syrymbek Taý boldy.
Saılaýǵa qatysý - árbir azamattyń boryshy, memleket aldyndaǵy paryzy dep oılaımyn. Biz óz tańdaýymyzdy jasap, memlekettik iske belsendi aralasýymyz kerek. Meniń oıymsha, memleketimizdiń turaqty damýy men irgesiniń berik bolýyna árkim óz úlesin qosý qajet. Mine, sondyqtan da búgin kásipker retinde Tokıoda issaparmen júrip, óz daýysymdy el bolashaǵy úshin berýdi jón kórdim, - dedi Syrymbek Taý.
Ońtústik Koreıanyń astanasyndaǵy №258 ýchaskege alǵashqy bolyp qazaqstandyq Iýrıı Soı keldi. Ol Seýlde 5 jyldan astam ýaqyt turyp, kásipkerlik qyzmetpen aınalysady.
Men árqashan Qazaqstandaǵy jańalyqtardy zor yqylaspen qarap otyramyn jáne eldegi oń ózgeristerdi kórip júrmin. Sondyqtan búgin Qazaqstan Respýblıkasy Prezıdentiniń saılaýynda daýys berýge sheshim qabyldadym, - dedi kásipker.