Tuńǵysh ret qazaqstandyq jas aqyn-jazýshylarǵa prezıdenttik arnaýly ádebı syılyq jarıalandy, dep habarlaıdy Almaty-akshamy.kz.
Ótinimder «Proza», «Poezıa», «Dramatýrgıa», «Balalar ádebıeti» nomınasıalary boıynsha 30 maýsymǵa deıin qabyldanady.
Usynylatyn jumystar halyqaralyq, ulttyq baıqaýlarǵa qatyspaǵan bolýy kerek, dep jazdy BAQ.KZ.
Qabyldanatyn qujattar:
1. Úmitkerdiń prezıdenttik syılyq alýǵa ótinim;
2. Jeke kýáliginiń kóshirmesi;
3. Qazaqstan Jazýshylar odaǵynan shyǵarmashylyq minezdeme;
4. Úmitker týraly maqalalardyń, jarıalanymdardyń kóshirmeleri (bar bolsa);
5. banktik shottyń anyqtamasy kóshirmesi;
Ár nomınasıanyń jeńimpazyna arnaıy tósbelgi men 4 mln teńge qarjylaı syılyq beriledi. Qujattar «Mınıstrlikter úıinde» , Máńgilik el dańǵyly, 8 mekenjaıy boıynsha 15 kireberiste qabyldanady.