Alǵash ret «Chempıondar túni IBA» ótedi

Alǵash ret «Chempıondar túni IBA»  ótedi Sýret: boxingkazakhstan

15 jeltoqsan kúni elorda tórinde alǵash ret bokstan «Chempıondar túni IBA» - «Astana Arlans» týrnıri ótedi, dep habarlaıdy almaty-akshamy.kz.


QR Boks federasıasynyń baspasóz qyzmetiniń habarlaýynsha, kesh barysynda otandyq boksshylardyń qatysýymen 8 qyzyqty jekpe-jek uıymdastyrylady. Ár aıqas 6 raýndtan turady.


Keshtiń basty jekpe-jeginde - 71 keli salmaqta Rıo Olımpıadasynyń chempıony, 2013 jylǵy álem chempıony Danıar Eleýsinov (11-0, KO 6) Ońtústik Afrıka Respýblıkasynyń ókili Djabýlanı Makhensemen (14-2, KO 7) judyryqtasady. Eleýsinov buǵan deıin 2015 jyly sharshy alańǵa shyqqan edi. Al Makhense alǵash ret syrt elde aıqasady.


Al basty jekpe-jektiń aldynda 2019 jylǵy álem chempıony jáne Tokıo Olımpıadasynyń qatysýshysy Bekzat Nurdaýletov (6-0, 2 KO) áli jeńilip kórmegen Reseı sportshysy Nıkıta Zonmen (7-0-1, KO 5) 80 keli salmaq dárejesinde kezdesedi. 67 kelide 2023 jylǵy álem chempıonatynyń kúmis júldegeri Dýlat Bekbaýov 2019 jylǵy Eýpopa oıyndarynyń kúmis júldegeri, WBA tujyrymy boıynsha birinshi orta salmaqta 10-orynda turǵan Harıton Agrbamen (12-0, KO 8) judyryq túıistiredi.


2022 jylǵy QR chempıony, ári 2023 jylǵy 22 jasqa deıingi boksshylar arasynda Azıa vıse-chempıony Erasyl Jaqpekov 80 kelide jastar arasynda Eýropa birinshiliginiń kúmis júldegeri (19-22 jas), Nıderlandy boksshysy Gradýs Klaýspen aıqasady.


Bıylǵy álem chempıony jáne 2022 jylǵy Azıa chempıony Aslanbek Shymbergenov 71 kelide meksıkalyq Hose Mıgel Borregomen sharshy alańǵa (20-4, KO 17) shyǵady.


2021 jylǵy álem chempıonatynyń fınalısi jáne 2022 jylǵy Azıa chempıonatynyń kúmis júldegeri Serik Temirjanov 63,5 kelide Serbıa namysyn qorǵaıtyn orys boksshysy Pavl Fódorovpen (3-0, KO 1) aıqasady.


2023 jylǵy álem chempıony jáne 2021 jylǵy álem chempıonatynyń fınalısti Mahmud Sabyrhan 57 kelide kýbalyq Osvaldo Dıaspen kezdesedi.


Týrnır eń jeńil salmaqta álem chempıony Sanjar Táshkenbaı 51 kelide 2 dúrkin Azıa chempıony, Ózbekstan sportshysy Nodırjon Mırzaahmedovtyń arasyndaǵy jekpe-jegimen bastalady.


Elimizde boks keshin — Qazsport, al Reseıde — «Mach TV» kanaldary tikeleı efırde kórsetedi.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

15:46

15:27

15:21

15:04

14:41

14:32

12:39

12:36

12:28

11:55

11:43

11:02

10:42

10:38

10:29

10:21

10:16

10:05

09:46

09:26

19:14

17:52

17:32

17:30

17:19