Múmkindigi shekteýli jandar áleýmettik tólem alýǵa ótinishti onlaın bere alady.
EGov.kz portaly men eGov mobile mobıldi qosymshasynda múmkindigi shekteýli jandarǵa áleýmettik tólemder taǵaıyndaý boıynsha jańa qyzmet iske qosyldy, dep habarlaıdy Almaty-akshamy.kz «Ulttyq aqparattyq tehnologıalar» AQ baspasóz qyzmetine silteme jasap.
Jańa qyzmettiń artyqshylyǵy - qyzmetti onlaın alǵan kezde ótinish berýshi týraly barlyq derekter memlekettik organdardyń derekqorynan avtomatty túrde tartylady.
Buǵan deıin osyndaı qyzmet tek HQKO-larda jáne medısınalyq-áleýmettik saraptama bólimshelerinde qaǵaz túrinde kórsetilgen, bul jumys kóp ýaqyt alatyn.
«Eńbekke qabilettiliginen aıyrylý jaǵdaıyna áleýmettik tólem taǵaıyndaý» jańa qyzmetin paıdalaný úshin eGov.kz portaly arqyly paıdalanýshylar:
- eGov.kz portalynda avtorızasıadan ótý kerek;
- basty bette «Azamattarǵa» - «Áleýmettik qamtamasyz etý» - «Múgedek adamdardy qoldaý» ótý kerek;
- «Eńbekke qabilettiliginen aıyrylý jaǵdaıyna áleýmettik tólem taǵaıyndaý» qyzmetin tańdaıdy;
- onlaın qyzmetke tapsyrys beredi;
- ESQ kómegimen qyzmetke qol qoıyp, qyzmetti onlaın alady.
Qyzmet 8 jumys kúni ishinde júzege asady.