15 sáýirden bastap Áleýmettik qyzmetter portalynda múgedektigi bar adamdardy qoldaý jónindegi memlekettik saıasatty iske asyrý aıasynda Astana, Almaty jáne Shymkent qalalarynda ońaltýdyń tehnıkalyq quraldaryn jedel jetkizýdi iske asyrý jónindegi pılottyq joba iske qosylady, dep habarlaıdy Almaty-akshamy.kz.
Múgedektigi bar adamdardy OTQ-men qamtamasyz etý ońaltýdyń jeke baǵdarlamalaryna sáıkes júzege asyrylady. Áleýmettik qyzmetter portalyndaǵy bul qyzmet OTQ alýdyń eki ádisin qarastyrady: alyp ketý jáne jetkizý. Búgingi kúni jetkizý qabyldaý pýnkti arqyly júzege asyrylady, al óńdeýden keıin kýrerge beriledi. Ortasha alǵanda, bul proses 8 kún ýaqytty alady.
Pılottyq jobany iske asyrý sheńberinde OTQ-nyń barlyq túrin 1 kún ishinde jetkizýdi qamtamasyz etý josparlanýda. Ekspress-jetkizý operatory «Iandeks Delıverı Keızet» JSHS kýrerlik qyzmeti bolady.
Pılottyq joba OTQ ekspress-jetkizýdiń tıimdiligin baǵalaýǵa jáne oń nátıje bolǵan jaǵdaıda ony Qazaqstannyń búkil aýmaǵyna masshtabtaý týraly sheshim qabyldaýǵa múmkindik beredi.