Áleýmettik jeliler men messendjerlerde qazaqstandyqtar balabaqshada júrgizilip jatqan sanıtarlyq óńdeý barysy kórsetilgen beınejazbamen bólisýde. Kadrlardan onyń qaı balabaqshada, qalada nemese elde túsirilgenin anyqtaý múmkin emes. Biraq qazaqstandyq bilim berý mekemelerinde densaýlyqqa qaýipti zattar shashpaıdy, dep habarlaıdy Almaty-akshamy.kz stopfake.kz silteme jasap.
Elimizdiń balabaqshalary men mektepterinde júrgiziletin sanıtarlyq óńdeý balalar úshin zıansyz, dep habarlady QR DSM sanıtarlyq-epıdemıologıalyq baqylaý komıtetinen.
– Barlyq balabaqshalar men mektepter memlekettik baqylaýdan ótken jáne Qazaqstan Respýblıkasynyń aýmaǵynda qoldanýǵa ruqsat etilgen sertıfıkattalǵan preparattarmen ǵana dezınfeksıalanady. Olardyń barlyǵy bekitilgen nusqaýlyqqa sáıkes qoldanylady. Bul zattar qaýipsiz, – dep málimdedi vedomstvonyń resmı ókili Erjan Baıtanaev.
Jeli qoldanýshylary qoǵamdyq oryndarda ýly zattar shashý týraly qaýesetterdi buǵan deıin de taratqan. Biz ondaı habarlamalardy joqqa shyǵardyq.