2025 jyldyń úsh aıynda áleýmettik ınspektorlar 156 tekserý júrgizdi, onyń 76-sy jospardan tys, 19-y profılaktıkalyq baqylaý sheńberinde, 61-i prokýratýranyń talaby boıynsha boldy.
Tekserý qorytyndysy boıynsha anyqtalǵan buzýshylyqtardy joıý týraly 34 uıǵarym berildi, 14,5 mln teńgeden astam somaǵa 46 aıyppul salyndy.
Memlekettik baqylaýmen: ákimdikter – 6, jergilikti atqarýshy organdardyń bólimderi men basqarmalary – 21, memlekettik mekemeler – 22, balabaqshalar – 4, mektepter – 13, kolejder, lıseıler – 5, aýrýhanalar, emhanalar – 10, arnaýly áleýmettik qyzmetter kórsetý ortalyǵy – 1, sanatorııler – 3, DK – 10, kafe, meıramhanalar men qonaq úıler – 10, dúkender – 12, saýda úıleri – 5, polısıa pýnkti – 1, stomatologıa – 3, avtobýs parkteri, avto/temirjol vokzaldary, áýejaılar – 6, kitaphana – 1, mádenıet úıleri – 4, poshta qyzmeti bólimshesi – 1, sport mektepteri – 3, notarıýs – 1 jáne ózge de 14 obekti qamtyldy.
Máselen, Áleýmettik qorǵaý salasyndaǵy retteý jáne baqylaý komıtetiniń Ulytaý oblysy boıynsha departamenti múgedektigi bar adamnyń ótinishi negizinde múgedektigi bar adamdar úshin qoljetimdiliktiń bolmaýy faktisi boıynsha medısınalyq ortalyqqa jospardan tys tekserý júrgizdi. Tekserý nátıjeleri boıynsha sýbekt aıyppul túrinde ákimshilik jaýapkershilikke tartyldy.
Bul rette áleýmettik ınspektorlardyń aıtýynsha barlyq óńirlerde múgedektigi bar adamdar úshin áleýmettik ınfraqurylymdy beıimdeýdegi oń ózgerister bar. Muny erekshe qajettilikteri bar adamdar da rastaıdy.
«Men qalamyzdaǵy áleýmettik jáne mádenı is-sharalardan qalmaı, udaıy qatysýǵa tyrysamyn. Qazirgi ýaqytta múgedektigi bar adamdar úshin kóptegen qoǵamdyq oryndarda qoljetimdilik qamtamasyz etilýde. Sózimniń bir dáleli retinde qalamyzdaǵy 9-shaǵyn aýdanynda ornalasqan Halyqqa qyzmet kórsetý ortalyǵyn aıtýǵa bolady. Ǵımaratqa kire beriste arnaıy lıft bar, al onyń aýlasynda múgedektigi bar adamdardyń avtokólikterine arnalǵan arnaıy turaqtar bar. Sondaı-aq, Jezqazǵan qalasynda ornalasqan «Samadı mart» saýda ortalyǵynda jáne S.Qojamqulov atyndaǵy teatrda erekshe qajettilikteri bar adamdardyń ǵımarattarǵa kedergisiz kirýine jaǵdaı jasalǵan», – dep atap ótti birinshi toptaǵy múgedektigi bar Jezqazǵan qalasynyń turǵyny Arman Sámetov.