«Áleýmettik ámıan» jobasy qalaı jumys isteıdi
QOSTANAI. QazAqparat – Premer-Mınıstrdiń orynbasary – Saýda jáne ıntegrasıa mınıstri Serik Jumanǵarın «Áleýmettik ámıan» jobasy qalaı jumys isteıtinin túsindirdi, dep habarlaıdy Almaty-akshamy.kz Inform.kz-ke silteme jasap.
«Áleýmettik ámıan» tek aqshalaı qoldaý sharalaryn ǵana qarastyrmaıdy. Aqshalaı emes sharalar da bolady. Mysaly, tegin medısınalyq kómektiń kepildendirilgen kólemi aıasynda dárigerge barsańyz, sizge áleýmettik ámıanyńyzda resept satyp alýǵa vaýcher bar ekeni týraly habarlama keledi. Sondaı-aq, balańyzdyń mektepte tamaqtanýy úshin vaýcher – úzbeli talon bolady. Osy sharalardyń barlyǵy iske asyryldy, qazir pılottyq rejımde qoldanysta jáne 1 qańtardan bastap áleýmettik ámıanǵa kóshemiz», - dedi Serik Jumanǵarın Qostanaı oblysynyń jurtshylyǵymen jáne bıznes-qoǵamdastyǵymen kezdesýde.
Sonymen qatar Premer-Mınıstrdiń orynbasary azyq-túlik baǵasynyń ósýin baqylaýdy jalǵastyrýǵa ýáde berdi.
«Baǵanyń ósýin baqylaýdy jalǵastyramyz, óıtkeni kelesi jyly ınflásıa boıynsha múldem basqa parametrler tur. Biraq, óndirýshilerdi qatań retteýden bas tartýdy sheshtik, óıtkeni óndirýshilerdiń damýynsyz biz eshqashan ımport ónimderine táýeldilikten aryla almaımyz. Bul rette, ázirge aqsha aýdarymdary bank kartalaryńyzǵa – sizde bar kartalarǵa júrgiziledi. Monetarlyq qoldaý sharalary bank kartasyna túsedi, monetarlyq emes sharalar – áleýmettik ámıanda bolady», - dep túıindedi mınıstr.