Ál-Farabı atyndaǵy QazUÝ aǵa oqytýshysy, dintaný doktoranty Elnar Berikbaev Óńirlik komýnıkasıalar qyzmetiniń brıfıńinde ıslam ustanymy turǵysynan koronavırýsqa qarsy vaksınalaný týraly suraqtarǵa jaýap berdi, dep habarlaıdy almaty-akshamy.kz
Elnar Berikbaev atap ótkendeı, qarsylyq kórsetýshiler keıde óz qozǵalystarynda dinı senimderdi qoldanady. Ol nemen baılanysty ekenin túsindirdi.
«Ádette, antıvakserlerdiń dálelderiniń kópshiligi ǵylymı derektermen rastalmaıdy. Al Qazaqstan azamattarynyń kópshiligi ózderin dindar sanaıtyndyqtan, dinı pikirtalastar halyq arasynda úndesedi», - dep túsindirdi sarapshy.
E. Berikbaev vaksınalanýǵa qarsy qozǵalys Edvard Djenner 1796 jyly sheshekke qarsy alǵashqy vaksınany jasaǵannan keıin kóp uzamaı paıda bolǵanyn habarlady. Ol kezde vaksınasıaǵa qarsy shyqqandardyń negizgi argýmentteri dinı boldy.
«Olar muny qudaıdyń taǵdyryna aralasýmen baılanystyrdy. Aıta ketsek, dinı vaksınasıadan bas tartý – vaksınaǵa qarsy kóptegen sebepterdiń biri ǵana. Olardyń arasynda farmasevterdiń belgili qastandyq teorıasy men basqa da qastandyq teorıalary bar», - dep atap ótti Berikbaev.
Dintanýshy vaksınasıadan bas tartýdy halyqtyń jekelegen segmentteriniń densaýlyq saqtaý júıesine senimsizdikpen baılanystyrady.
«Jaqynda Mańǵystaý oblysynda bolǵan oqıǵany eske túsirýge bolady. Segiz jasar bala velosıpedten qulap, qolyn syndyrady. Biraq onyń ata-anasy "jedel járdemge" emes, emshige júginedi. Ol qolyn tekserip, tańyp bolǵan soń, balany úıine jiberdi. Nátıjesinde qoldy kesýge týra keldi», - deıdi teolog.
Ǵalym bizdiń otandastarymyz áli de halyqtyq ádistermen emdelýde jáne halyq emshilerine júginýdi jalǵastyrýlaryna ókinishpen qaraıdy.
Sóziniń sońynda E. Berikbaev ıslamda aýrý kezinde mamandarǵa júginý ádetke aınalǵanyn aıtty. Hadısterdiń birinde: «Ár ǵylymnyń óz qundylyǵy bar, olarǵa júginý kerek» delingen.
«Dárigerler birinshi kezekte vaksınalaný týraly aıtýy kerek. Sózderi adamdardyń sheshimderine áser etetin dinı qyzmetkerler, óz pikirin aıtpas buryn, máseleni medısınalyq turǵydan túsinýi, dárigerden keńes alýy tıis. Sodan keıin ǵana olar ótinishpen shyǵa alady», - dep atap ótti dintanýshy.