Baıkerdiń aıtýynsha, azamattyq boryshyn óteý úshin oǵan jańbyr men batpaq kedergi emes.
«Men saılaýǵa ylǵı qatysyp júremin. Ózim ómir súrip jatqan memlekettiń taǵdyryna mán beremin, sondyqtan ózimniń azamattyq ustanymymdy kórsetýdi qurmet dep sanaımyn. Elimizdiń týymen 400 myń shaqyrymnan astam jol júrdim, álemniń 170-ten astam elinde boldym. Qazaqstan álemdik arenada jaqsy bedelge ıe, bizdiń memleketimizdi jas ári bolashaqqa qarqyndy damıtyn retinde biledi. Sondyqtan bizge Qazaqstan dep atalatyn kememizdi uzaq ári jaryq bolashaqqa aparatyn myqty kapıtandy tańdaý óte mańyzdy», - dep pikir bólisti Dmıtrıı Petrýhın.