Lastaný deńgeıi boıynsha Qazaqstannyń reıtıńtegi kórsetkishi kóńil kónshitpeıdi
Qalalardyń lastaný deńgeıi eń nashar 115 eldiń arasynda túzilgen reıtıńte Qazaqstan 33-orynda tur, dep habarlaıdy Almaty-akshamy.kz QazAqparatqa silteme jasap.
Elderdiń qalalarynyń lastanýyna oraı túzilgen reıtıńte Qazaqstan álemniń 115 eliniń ishinde 33-orynǵa turaqtaǵan. Lastaný ındeksi – 73,4.
Bul rette ındekstiń joǵary bolýy jaǵdaıdyń nashar ekendigin bildiredi. Eń las elder reıtıńiniń kóshbasynda Kamerýn, Mońǵolıa jáne Mánma tur.
Al álemdegi eń úzdik kórsetkish, ıaǵnı tazalyǵy jaǵynan joǵary baǵa Fınlándıaǵa tıesli. Bul eldiń lastaný ındeksi 12,1 ǵana.
Reıtıńke TMD elderiniń ishinde Qazaqstanǵa qaraǵanda lastanýy joǵary elderdiń qatarynda Ázirbaıjan bar. Al Moldova, Ýkraına, Reseı, Armenıa jáne Belarýsta jaǵdaı birshama jaqsy.
Ótken jyldyń 12 aıynyń qorytyndysynda elimizde qorshaǵan ortany qorǵaýǵa baǵyttalǵan kúrdeli ınvestısıa kólemi 4,3 paıyzǵa artyp, 16,,9 mlrd teńgege deıin jetti. Salystyrmaly túrde aıtar bolsaq, 2020 jyly sektorǵa salynǵan ınvestısıa kólemi 157,1 mlrd teńgeni quraǵan bolatyn.
Óńirler arasynda sektordaǵy kúrdeli ınvestısıanyń eń joǵary kólemi Jambyl oblysynda tirkelgen. Óńir sektorǵa 1 jyl burynǵy kólemge qaraǵanda qarjyny 4 esege ulǵaıtyp, 52,8 mlrd teńgege jetkizgen.
Sonymen qatar sektorǵa qarjy salýda Nur-Sultan (26 mlrd teńge) men Aqtóbe oblysy (19,8 mlrd teńge) jaqsy kórsetkishke ıe. Úzdik bestik qataryna Atyraý men Shyǵys Qazaqstan oblystary da kiredi. Al Almaty oblysy bir jyldyń ishinde sektorda 579,6 mln teńge jumsasa, Soltústik Qazaqstan oblysy ótken jyly múlde ınvestısıa shyǵyndamaǵan.