Booking.com saıty saıahatshylardyń pikirin negizge alyp 2025 jyly barýǵa turarlyq jahandaǵy eń qonaqjaı jerlerdiń reıtıńin túzgen.
Reıtıńke ókinishke qaraı Qazaqstandaǵy birde-bir jer enbegen. Týrıser saıahattyń eń jaǵymdy tusy dep qonaqjaılylyq pen qaýipsizdikti ataǵan.
Zertteý 360 mıllıonnan asa shynaıy pikirge súıenip jasalǵan.
Saıahattaýshylar qonaqúılerde qonyp, jalǵa beriletin kólikterde nemese taksıde otyryp kórgen soń ǵana jazba qaldyrǵan.
– Bul tizim kofehanalar men jaǵajaılardan ortaǵasyrlyq qalalar men tropıkalyq eldi mekenderge deıingi álemdik baǵyttardyń ártúrliligin kórsetedi. Olardyń barlyǵy umytylmas oqıǵalarǵa shabyttandyrady, – deıdi qyzmet ókilderi.
2025 jyly álemdegi eń qonaqjaı 10 oryn:
Sıgırıa, Shrı-Lanka;
Kasorla, Ispanıa;
Ýrýbıchı, Brazılıa;
Taýpo, Jańa Zelandıa;
Sent-Ogastın, AQSH;
Orvıeto, Italıa;
Manısales, Kolýmbıa;
Kvedlınbýrg, Germanıa;
Ko-Lanta, Taıland;
Chester, Ulybrıtanıa.
Álemdik reıtıńte birinshi oryndy IýNESKO-nyń búkilálemdik mura tizimine kirgen Shrı-Lankanyń Matale aýdanyndaǵy bıiktigi 180 metr bolatyn biregeı jartas Sıgırıa ıelengen. Ekinshi orynǵa Ispanıadaǵy Kasorla jaıǵassa, úzdik úshtikti Brazılıadaǵy Ýrýbıchı qalasy túıindep tur.