Eriktiler álemdik qozǵalysqa yqpal etetin eń belsendi topqa aınalǵan.
Qazir olardyń sany 5 mıllıardqa jýyqtaıdy, dep habarlaıdy aqshamnews.kz.
Birikken Ulttar Uıymy bekitken eriktilerdiń dúnıejúzilik deklarasıasynda olar ózderiniń talanty men ýaqytyn, bar energıasyn eshqandaı aqy kútpesten jeke jáne ujymdyq sharalarǵa jumsaýǵa quqyly ekeni aıtylǵan. Jalpy qazirde eriktilerge qoǵam tarapynan qandaı qoldaýlar jasalǵan.
Bıyl Dúnıejúzilik qaıyrymdylyq ındekste volonterlik is-sharalarǵa qatysý, beıtanys adamdarǵa kómektesý boıynsha Indonezıa jetinshi ret úzdik el atandy. Eldegi jastardyń 90 paıyzy qaıyrymdylyqqa qarjy bólip, 60 paıyzy erikti retinde qoǵamdyq jumystarǵa belsene atsalysqan. Jalpy bul tizimdengi alǵashqy bestikte, Indonezıadan keıin, Kenıa, Sıngapýr, Gambıa, Nıgerıa elderi bar. Baıqasaq, reıtıńtegi kóshbasshylar kóbine asa baı elder emes.
Dúnıejúzilik qaıyrymdylyq ındeksi boıynsha úzdik 5 el
Indonezıa 74/100
Kenıa 63/100
Sıngapýr 61/100
Gambıa 61/100
Nıgerıa 60/100
Qyzmetke ornalasýda eriktilik mańyzdy rolge ıe
Shetelde jumysqa ornalasýǵa kelgen jas mamannyń túıindemesinde volonterlik qyzmettiń bolýy – úlken jetistik. Sondyqtan da ýnıversıtet nemese kolej stýdentteri erikti bolýǵa qýana kelisedi. Máselen, Germanıada "áleýmettik jyl" degen zań bar. Iaǵnı, orta mektepti bitirgennen keıin kez kelgen jetkinshek, bir jyldaı áleýmettik jumyspen aınalysa alady. Bul keıinnen jumysqa ornalasý kezinde úlken rólge ıe ıaǵnı jeńildik qarastyrylady. Statısıka boıynsha, halyqtyń 34 paıyzy volonter. Olar qaıyrymdylyq baǵyttaǵy birlestikter men jobalarda erikti túrde, 15 saǵattan jumys isteı alady. Qazir elde, 70 myńdaı komersıalyq emes uıym bar. Oǵan 2 mıllıondaı erikti tirkelgen.
BUU: Jyl basynan beri gýmanıtarlyq uıymdardyń 281 qyzmetkeri qaıtys boldy
Erikti bolý erlikpen teń. Bıyl álemde qaza tapqan gýmanıtarlyq uıym ókilderiniń sany boıynsha "antırekord" ornady. Jyl basynan beri 281 qyzmetker kóz jumǵan. Tıisti málimetti BUU keltirip otyr. Qaıǵyly oqıǵalardyń kóbi Gaza Sektorynda tirkeldi. Jalpy aımaqta 2023-jyldyń qazanynda qarýly qaqtyǵys bastalǵaly gýmanıtarlyq uıymnyń 330-den asa qyzmetkeri ajal qushqan. Arasynda halyqaralyq mekeme ókilderi de bar.