MAGATE málimetine sáıkes, qazirgi tańda álemniń 31 elinde 400-den astam ıadrolyq energoblok jumys istep tur, olardyń jalpy qýattylyǵy 300 gıgavattan asady.
Sonymen qatar, 15 elde sońǵy býyndaǵy 59 reaktor salynyp jatyr. Iadrolyq energetıka búgingi tańda kóptegen memleketter úshin turaqty damýǵa qol jetkizýdegi basty qural bolyp otyr.
Eń úlken atom energetıkalyq parki AQSH-ta ornalasqan. Qurama Shtattarda 90-nan astam ıadrolyq energoblok bar, olar eldegi elektr energıasynyń shamamen 20%-yn óndiredi. Bul kórsetkish ıadrolyq energıanyń senimdi ári turaqty energıa kózi ekenin dáleldeıdi.