TravelRambler sarapshylary álemde eń qymbat praıvet-djetterge kimderdiń qoly jete altyny týraly zertteý júrgizdi, - dep habarlaıdyAlmaty-akshamy.kz.
Kez kelgen jeke ushaqty satyp alýǵa qomaqty qarjy kerek, óıtkeni olardyń eń kishileriniń ózi mıllıondaǵan dollar turady.
Al keıbir adamdarǵa kádimgi ushaq emes, eshkimde joq erekshesi qajet eken. Al oǵan sáıkesinshe ǵalamat aqsha kerek bolady.
Birden aıta ketý kerek, ushaqty satyp alý bir bólek shyǵyn, al ony ıelený men kútý múlde basqa.
Roman Abramovıch - 350 mıllıon dollar
Reseılik mıllıarder Roman Abramovıch Keńes úkimeti ydyraǵannan keıin munaı, metalýrgıa jáne taý-ken kompanıalaryna ınvestısıa quıyp, úlken baılyq jıyp aldy. Al onyń bir emes birneshe ushaǵy bar eken, olardyń eń qymbaty 350 mıllıon turatyn Boeing 787 Dreamliner. Bul ushaqta úlken tósek, birneshe jýynatyn jáne as bólmesi bar kórinedi. Alaıda qazirgi tańda sanksıalarǵa baılanysty bul ushaqty AQSH bıligi tárkiledi.
Dreık - 185 mıllıon dollar
Kanadalyq rep ánshi Dreıktiń Boeing 767 jeke ushaǵy 185 mıllıon dollar turady. Mundda da as bólme jáne birneshe jýynatyn oryn bar. Air Drake atalyp ketken bul ushaqty ánshi álem boıynsha týrne jáne VIP-konsertterine barý úshin paıdalanady. Degenmen ánshi 14 mınýt qana ushatyn jerge de osynaý ushaǵyn paıdalaný qorshaǵan ortaǵa úlken zıan keltirip jatyr dep synǵa qaldy.
Kım Kardashán - 150 mıllıon dollar
Ataqty adamdardyń kóbi eshkimge jeke ómirin jáne jeke ushaǵyn pash etkisi kelmeıdi. Biraq Kım Kardashán emes.
Bıznes-ledı jáne realıtı-shoý juldyzy retinde Kım Kardashán karerasyn jeke ómirin onlaın rejımde pash etý arqasynda jasady. 2022 jyly ol Gulfstream G650ER ushaǵyna TV-ekskýrsıa jasady.
Kardashán men onyń komandasy telefondy uzaq paıdalanady, sondyqtan onyń jeke suranysy boıynsha ushaqtyń árbir jerinde telefon qýattaıtyn oryndar óte kóp. Ushaqtaǵy osy jáne basqa da talaptaryna ol 150 mıllıon dollar jumsapty.