Álemniń ortalyq bankteri bıyl jarty jylda 387 tonna altyn satyp alǵan.
Bul keıingi 23 jylda bolmaǵan rekordtyq kórsetkish. Suranystyń artýyna baılanysty tıisinshe bul baǵaly metaldy óndirý kólemi de ulǵaıǵan. Sóıtip 6 aı ishinde onyń 1781 tonnasy óndirilgen. Bul buryn-sońdy bolmaǵan kórsetkish.
Qytaı tarapynan qyzyǵýshylyq joǵary. Álemdik suranystyń 20 prosenti osy memlekettiń úlesine tıesili. Budan bólek iri satyp alýshylar qatarynda Sıngapýr men Eýropalyq Odaq elderi de bar.
«Altynǵa suranystyń artýyna álemdegi geosaıası jáne ekonomıkalyq ahýaldyń ózgerýi áser etti. Bul valúta qoryn ártaraptandyrý maqsatynda jasalyp otyr», - deıdi altyn jónindegi dúnıejúzilik keńestiń ókili Van Lısın.