Q.Sátbaevtyń 125 jyldyǵyn toılaý bastaldy
Qazaq halqynyń birtýar perzenti, álemge áıgili ǵalym Qanysh Sátbaevtyń 125 jyldyǵyna arnalǵan mereıtoılyq is-sharalardyń alǵashqy legi bastaldy.
Ǵalymnyń aty berilgen Elordadaǵy nómiri 61-shi mektep-lıseıde "Álem tanyǵan Qanysh" respýblıkalyq ǵylymı konferensıa ótti. Jıynǵa Qanyshtaný máselelerimen aınalysyp júrgen zertteýshiler, zıaly qaýym ókilderi qatysty, dep habarlaıdy almaty-akshamy.kz. Akademıktiń 125 jyldyǵy el boıynsha keń kólemde atap ótiledi. Ol úshin 52 bólimnen turatyn jalpy respýblıkalyq jospar qabyldanǵan. Onyń aıasynda úsh qalada ǵalymǵa arnalǵan eskertkishter ashylady. Pavlodardaǵy Júsipbek Aımaýytov atyndaǵy teatr bolsa, kórermenge "Júsipbek jáne Qanysh" atty pesa usynbaq. Al akademıktiń týǵan kúni 12 sáýirde Eýrazıa Ulttyq ýnıversıtetinde halyqaralyq ǵylymı basqosý ótedi.
- On tomdyq shyǵarmalar jınaǵy daıyndalyp boldy, ol da bıyl shyqpaqshy. Budan basqa bes tomdyq akademıalyq shyǵarmashalar tolyq jınaǵy shyqpaqshy. Sonymen qatar qaıtadan Qanysh Imantaıulyna arnalǵan ensıklopedıa eki tilde shyǵady degen oıdamyz. Odan basqa Qanyshtyń bıografıasyna baılanysty alty tilde BUU alty negizgi tiline aýdarylyp jatqan jaıy bar, - deıdi QR Parlamenti Senatynyń depýtaty Altynbek Nuhuly.