Fýtboldan álem chempıonatynyń fınalynda Ońtústik Amerıka jáne Eýropa qurlyǵy ókilderi on birinshi márte kezdesip otyr, dep habarlaıdy Almaty-akshamy.kz Inform.kz-ke silteme jasap.
Aıta ketsek, búgin, 18 jeltoqsanda fınalda Argentına - Fransıa quramalarynyń kezdesýi bolady. Oıyn elorda ýaqytymen 21:00-de «Qazaqstan» jáne «Qazsport» telearnalarynan tikeleı efırde kórsetiledi.
Qazirge deıingi 10 kezdesýdiń 7-inde Ońtústik Amerıka qurlyǵynyń ókilderi jeńiske jetse, qalǵanynda eýropalyq quramalardyń mereıi ústem boldy.
Qos qurlyq arasyndaǵy básekede Brazılıa bes márte jeńiske jetti. Olar 1958 jyly Shvesıany 5:2, 1962 jyly Chehoslovakıany 3:1, 1970 jyly Italıany 4:1, 1994 jyly penaltıden 3:2 (negizgi kezeńde 0:0) esebimen jeńdi. Al 2002 jyly Germanıany 2:0 esebimen tize búktirdi.
Al qos qurlyqtyń básekesinde Argentına men Germanıa 2, Fransıa 1 márte jeńimpaz atandy.
Sondaı-aq, 1950 jyly bas júlde ıesi toptyq kezeńde belgili bolsa, qalǵanynda eýropalyq quramalar ózara jeńimpazdy anyqtady.