Ze Lanset (The Lancet) jýrnaly júrgizgen zertteý qorytyndysy osyndaı.
Zertteý avtorlarynyń aıtýynsha, kadr tapshylyǵy máselesi ásirese Ońtústik Azıa elderinde ótkir tur. Atalǵan aımaqta 2,5 mln dáriger jetispeıdi eken. Munyń bári klımattyq daǵdarys pen álemdi jaılaǵan túrli aýrýlarmen baılanysty eken, dep habarlaıdy Almaty-akshamy.kz 24.kz-ke silteme jasap.
«Klımattyń ózgerýi álem boıynsha tyrysqaq jáne denge aýrýlarynyń órshýine ákelýde. Jańa patogenderdiń paıda bolý qaýpi artyp jatyr. Sonymen qatar odan azyq-túlik daǵdarysy da beleń alyp barady. Sáıkesinshe, toıyp tamaq ishpeıtin azamattyń aýrýǵa shaldyǵý nemese kóz jumý yqtımaldylyǵy joǵarylaıdy. Sondyqtan klımattyq daǵdarysty densaýlyq saqtaý salasyndaǵy daǵdaryspen baılanystyrýǵa bolady», - deıdi Dúnıejúzilik densaýlyq saqtaý uıymynyń bas dırektory Tedros Adhanom Gebreıesýs.
Óz kezeginde sarapshylar dál qazir álemde 6 mln dáriger men 30 mln medbıke keregin aıtady. «Budan bólek, 3 mln tis dárigeri, taǵy osynshama farmesevt qajet», – deıdi olar. Osyǵan baılanysty mamandar el úkimetterin atalǵan máselege basa nazar aýdaryp, ony sheshý joldaryn qarastyrýǵa shaqyrady.