Qazaqstannyń juptyq syndaǵy birinshi, álemniń 45-raketkasy Aleksandr Nedovesov Ýmag (Horvatıa) ATP 250 týrnıriniń shırek fınalyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi ekvadorlyq Gonsalo Eskobarmen birge bastapqy machyn jarystyń 4-raketkalary, ýrýgvaılyq Arıel Behar – chehıalyq Adam Pavlashekpen ótkizdi.
Birinshi partıada qazaqstandyq-ekvadorlyq jup 6:3 esebimen basym tússe, ekinshisinde A.Behar – A.Pavlashek ese qaıyrdy – 6:4.
Sýper taı-breıkte A.Nedovesov – G.Eskobar aıqyn basymdylyq tanytty – 10:3. Bir saǵat 24 mınýtqa sozylǵan báseke barysynda olar 4 eıs jasap, 3 breık-poınttyń bireýin qur jibermedi.
Ýrýgvaılyq-chehıalyq dýet te 4 eıs, 1 breıkpen (5 breık-poınt) kózge tústi.