Álem kýbogy kezeńderiniń nátıjesi boıynsha úzdik sportshylar 2026 jyly ótetin qysqy Paralımpıada oıyndaryna joldama alady
Aleksandr Gerlıs parabıatlonnan Álem kýbogynda qola júldege ıe boldy, dep habarlaıdy Almaty-akshamy.kz QazAqparatqa silteme jasap.
Búgin Álem kýbogynyń birinshi kezeńinde qazaqstandyq sportshy Aleksandr Gerlıs parabıatlonnan 12,5 shaqyrym qashyqtyqty 43 mınýt 59 sekýndta baǵyndyryp, qola júldege ıe boldy.
Jarysta kanadalyq sportshy Arendz Mark osy qashyqtyqty 39 mınýt 20 sekýndta júrip ótip, birinshi orynǵa ıe boldy.
Al ekinshi orynǵa 41.22 nátıjesimen ýkraınalyq sportshy Gregorıı Vovchýnskıı jaıǵasty.
Aıta ketsek, parashańǵy men parabıatlonnan Álem kýbogy úsh kezeńde ótedi.
Alǵashqy kezeń Fınlándıanyń Výokattı qalasynda 7-19 jeltoqsan aralyǵynda ótip jatyr.
Ekinshi kezeń AQSH-ta, úshinshi kezeń Japonıada uıymdastyrylady dep josparlanǵan.
Álem kýbogy kezeńderiniń nátıjesi boıynsha úzdik sportshylar 2026 jyly ótetin qysqy Paralımpıada oıyndaryna joldama alady.