Elimizdiń aldaǵy 7 jyldaǵy damý baǵytyn halyqtyń ózi aıqyndady.
Qoǵam qaıratkerleri Prezıdent Qasym-Jomart Toqaev saılanǵan sátten bastap saıası reformalardy dáıekti túrde júzege asyryp, júıeli túrde alǵa jyljyp kele jatqanyn aıtýda, dep habarlaıdy Almaty-akshamy.kz.
- Prezıdentti saılaý – el bolashaǵynyń tańdaýy, Qazaqstan halqynyń sheshimi – óte qısyndy ári oılastyrylǵan qadam, - deıdi Qazaqstan halqy Assambleıasynyń múshesi Rýstam Qaırıev.
«Búginde bizdiń ortaq bolashaǵymyzdy qurý, Qazaqstannyń ál-aýqaty týraly sóz bop jatqanyn bári birdeı túsine bermeıdi. Álemde bolyp jatqan barlyq saıası jáne ekonomıkalyq silkinisterdi eskere otyryp, sondaı jaǵdaıda ózimiz de qalmaý úshin, elimizdiń ishki jaǵdaılaryn retteý kerek. Tańdaý jasaldy, alda bizdi jarqyn bolashaq kútip tur dep oılaımyn. Elimizdiń aldaǵy 7 jyldaǵy damý baǵytyn halyq ózi aıqyndap berdi. Endi bizdiń aldymyzda ádiletti Qazaqstandy qurý mindeti tur. Búgin biz bárimiz birge bolyp, birtutas halyq bolyp kúsh salýymyz kerek, Memleket basshysyna sol ádiletti qoǵamdy, ekonomıkany jáne, árıne, ádiletti memleketti qurýǵa kómektesýimiz kerek», - dedi Rýstam Qaırıev.