Qazaqstanda 12-14 qarasha kúnderi aýa raıy kúrt sýytyp, elimizdiń kóp bóliginde qubylmaly bolady, dep habarlaıdy aqshamnews.kz.
Qazgıdromet málimetinshe, aldaǵy úsh kúnde elimizdiń ońtústik-batysy, ońtústigi jáne ońtústik-shyǵysynda qar aralas jańbyr jaýady. Al soltústik, shyǵys jáne ortalyq aımaqtarda boran soǵyp, kóktaıǵaq bolady, jeldiń kúsheıýi kútilýde. 12 qarashada Shyǵys Qazaqstan oblysynda, 12-13 qarashada elimizdiń ońtústik-shyǵysynda qalyń qar jaýady, 13 qarashada eldiń ońtústiginde jańbyr men qar aralas jaýýy yqtımal. Tek batys oblystarynda, sondaı-aq 14 qarashada ońtústikte kún ashyq bolady.
Temperatýranyń ózgerýi:
- Batys oblystarda aýa temperatýrasy túnde 0-den -11°C aralyǵynda bolady.
- Soltústik-batys, soltústik jáne ortalyq óńirlerde túnde -8-18°C, keı jerlerde -3-15°C deıin sýytady, kúndiz temperatýra -5-12°C aralyǵynda bolmaq.
- Shyǵys Qazaqstanda 13 qarashada túnde aýa temperatýrasy -10-25°C-ke deıin kúrt tómendeıdi, kúndiz 5-16°C sýyq bolady.
- 14 qarashada shyǵysta túnde temperatýra 7-20°C aıazǵa deıin, kúndiz 2-13°C sýyq bolady.
- Ońtústikte aýa temperatýrasy birtindep tómendep, túnde +6-6°C, kúndiz +3-5°C arasynda bolady.
Aldaǵy kúnderde aýa raıyna baılanysty joldarda kóktaıǵaq bolýy múmkin, sondyqtan júrgizýshiler men jaıaý júrginshilerge saq bolý usynylady.