Bul kókónisterdiń jalpy óndirisin 2 esege arttyrýǵa múmkindik beredi.
Almaty oblysynda aýyl sharýashylyǵy jaǵdaıyn taldaý jylyjaı bıznesin damytýdyń tıimdiligin kórsetti. 2026 jylǵa deıin 45 gektar jerge 10 iri jylyjaı sharýashylyǵyn iske qosý josparlanýda, olardyń jalpy óndiristik qýaty 25 myń tonnany quraıdy, dep habarlady Almaty-akshamy.kz.
«Bul kókónisterdiń jalpy óndirisin 2 esege arttyrýǵa, 500-den astam jumys ornyn qurýǵa, kókónisterdi jyl boıy óndirisine kóshýdi qamtamasyz etýge múmkindik beredi. Bul týraly búgin Almaty oblysynyń ákimi Qanat Bozymbaev Taldyqorǵanda ótken brıfıń barysynda aıtty, - delingen Almaty oblysy ákiminiń baspasóz qyzmetiniń habarlamasynda.
Mamandardyń aıtýynsha, aýyl sharýashylyǵynda jalpy ónim óndirisiniń kólemi boıynsha Almaty oblysy kósh bastap, birinshi orynda tur nemese jalpy respýblıkalyq deńgeıinde 14% qurap otyr.
Oblys ákimi óńirdegi agrarlyq salany taldaý munda jylyjaı bıznesin damytýdyń tıimdiligin kórsetkenin atap ótti. Jylyjaılardaǵy ónimdilik kókónisterdi ashyq jerde ósirýmen salystyrǵanda 7 ese joǵary, sonymen qatar maýsym aralyǵynda halyqty kókónispen qamtamasyz etýge múmkindik beredi jáne baǵanyń turaqtanýyna áser etedi. Búgingi kúni oblysta 105,5 ga jerde 102 jylyjaı bar, olarda 36 myń tonna erte pisetin kókónister ósiriledi.
«2026 jylǵa deıin 45 gektar jerge 10 iri jylyjaı sharýashylyǵyn iske qosý josparlanýda, olardyń jalpy óndiristik qýaty 25 myń tonnany quraıdy. Bul kókónisterdiń jalpy óndirisin 2 esege arttyrýǵa, 500-den astam jumys ornyn qurýǵa, kókónisterdi jyl boıy óndirýge kóshýdi qamtamasyz etýge múmkindik beredi. Bul úshin jeńildikpen kredıt berý, gazdyń qunyn 50%-yna deıin sýbsıdıalaý, kóterme-taratý ortalyqtaryn tartý jáne kókónisterge arnalǵan forvardtyq satyp alýdy keńeıtý sharalary qabyldanatyn bolady», - dedi Qanat Bozymbaev.
Spıkerdiń sózine súıensek, oblystaǵy taǵy bir basymdyq qus etin óndirýge beriledi, ol respýblıka naryǵy kóleminiń 32%-yn, ıaǵnı 108,3 myń tonnany qurap otyr. Qazir qus eti boıynsha oblys jáne Almaty qalasy turǵyndarynyń qajettilikteri tolyǵymen jabylady. Importty tolyq almastyrý úshin ónim shyǵarýdy 2 esege arttyrý mindeti qoıylyp otyr.