Ońtústiginde aýa temperatýrasy 25-35 jyl shamasynda saqtalady.
«Qazgıdromet» mamandary 24-26 qyrkúıek kúnderi aýa raıynyń qandaı bolatynyn aıtty, dep habarlaıdy Almaty-akshamy.kz.
«Soltústik-batys sıklony Qazaqstannyń batys óńirlerine áser etedi, sodan keıin shyǵys baǵytta jyljyp, eldiń qalǵan aýmaǵyna da áserin tıgizedi, jańbyr jaýady. 25 qyrkúıekte batysta, 26 qyrkúıekte soltústik-batysta jáne soltústikte qatty jańbyr, naızaǵaı, jeldiń kúsheıýi jáne burshaq kútiledi. Kelesi aptanyń basynda Soltústik Qazaqstan oblysynda jaýyn-shashyn kútiledi (jańbyrdyń sońy qarǵa ulasady). Qazaqstannyń ońtústik-shyǵysynda tek taýly jáne taý bókterindegi aýdandarda ótkinshi jańbyr jaýady»,- delingen sınoptıkterdiń habarlamasynda.
Aýa temperatýrasy kúndiz eldiń batysynda 22-33-ten 9-22-ge deıin, soltústik-batysta 25-32-den 10-23-ke deıin, soltústikte 23-30-dan 5-20-ǵa deıin, ortalyqta 22-32-den 20-28-ge deıin, Qyzylorda oblysynda 30-35-ten 17-25-ke deıin tómendeýi boljanady. Eldiń ońtústik-shyǵysy men qıyr ońtústiginde aýa temperatýrasy 25-35 jyl shamasynda saqtalady.