Aýa raıy qubylmaly bolady jáne qar jaýady.
«Qazgıdromet» mamandary 10-12 jeltoqsan kúnderi aýa raıy qandaı bolatynyn boljady, dep habarlaıdy Almaty-akshamy.kz.
Qazaqstan aýmaǵynyń basym bóliginde atmosferalyq fronttardyń ótýine baılanysty qubylmaly bolady jáne qar jaýady.
Tek elimizdiń batys, ońtústik, ortalyǵynda aýa raıy negizinen jaýyn-shashynsyz bolady. Respýblıkanyń soltústik-batysynda, soltústiginde, shyǵysynda burqasyn soǵyp, ońtústik jáne ońtústik – shyǵysta tuman túsedi.
Túngi saǵattarda aýa temperatýrasy batysta 7-20-dan 5-15 gradýsqa deıin, soltústik-batysta 18-30 gradýstan 12-22-ge deıin, soltústikte 17-30-dan 10-26-ǵa deıin, ortalyqta 20-30-dan 18-28 gradýsqa deıin sýyq bolady.
Al elimizdiń shyǵysynda 15-35 gradýstan 12-25 gradýsqa deıin, ońtústikte mınýs 30 gradýstan 7-20-ǵa deıin túsedi. Ońtústik-shyǵysta 12-25 gradýs aıaz kútiledi.