Respýblıka boıynsha jel kúsheıedi.
«Qazgıdromet» mamandary kóktemniń sońǵy kúni men jazdyń alǵashqy kúnderi aýa raıy qandaı bolatynyn boljady, dep habarlaıdy Almaty-akshamy.kz.
Mamyr aıynyń sońǵy kúni Qazaqstan aýmaǵynyń basym bóligi Sibirdiń ústindegi sıklon jyrasynyń yqpalynda bolady. Naızaǵaı oınap, ońtústik-shyǵysta qatty jańbyr, burshaq jaýyp, daýyl turady dep kútiledi.
«Respýblıka boıynsha jel kúsheıedi. Alaıda 1 maýsym kúni Batys Qazaqstanǵa Soltústik antısıklon áser ete bastaıdy, ol respýblıka aýmaǵy arqyly shyǵys baǵytqa aýysa otyryp, jaýyn-shashynnyń birtindep toqtaýyna jáne temperatýranyń tómendeýine alyp keledi. 1-2 maýsymynda elimizdiń batysynda, soltústik-batysynda, soltústiginde, ortalyǵynda túngi jáne tańerteńgi saǵattarda topyraq betinde 2 gradýsqa deıin úsik júredi dep boljanýda», - delingen «Qazgıdromet» habarlamasynda.