Qazirgi tańda elimizdiń jıhaz ónerkásibiniń ınvestısıalyq portfeli quny 17 mlrd teńgeden asatyn 9 jobany qamtıdy.
Olardy iske asyrý arqyly shamamen 1000-ǵa jýyq jumys orny ashylmaq, dep habarlaıdy aqshamnews.kz Ónerkásip jáne qurylys mınıstrligine silteme jasap.
Bul týraly «QazIndustry» Qazaqstandyq ındýstrıa jáne eksport ortalǵynyń jobalardy iske asyrýǵa monıtorıń júrgizý jáne taldaý dıreksıasy habarlady.
Atalǵan jobalardyń ishindegi quny 9,2 mıllıard teńgeni quraıtyn 4 joba bıylǵy jyly Túrkistan oblysynda iske qosyldy. Jańa óndirister 375 adamdy jumyspen qamtydy. Ónimderdiń negizgi bóligi ishki naryqqa baǵyttalǵan.
Budan bólek, jyl sońyna deıin Pavlodar oblysynda bir jobany iske qosý josparlanyp otyr. Quny 388 mıllıon teńge bolatyn keńse jáne mektep jıhazdaryn óndirý jobasy aıasynda shamamen 30-ǵa jýyq jańa jumys orny ashylady dep kútilýde.
Júzege asyrý kezeńinde Shymkent qalasynda quny 800 mıllıon teńgeni quraıtyn 3 joba bar. Olardyń ishinde jıhaz, medısınalyq jıhaz jáne metal shkaftar óndirisi bar. Bul nysandardyń ashylýy 102 adamdy jumyspen qamtamasyz etýge múmkindik beredi. Jańa kásiporyndar óniminiń 9 % - ǵa jýyǵyn jaqyn jáne alys shetelderge eksporttaý josparlanýda.
Sonymen qatar, Abaı oblysynda jalpy quny 7,5 mıllıard teńge quraıtyn, 530 jańa jumys orny qurylatyn korpýstyq keńse jıhazyn óndirý jobasyn iske asyrý josparlanyp otyr. Jobanyń negizgi ınvestory – Qytaı Halyq Respýblıkasy.
Osylaısha, josparlanǵan 5 jobany iske asyrý barysynda jıhaz ónerkásibiniń negizgi kapıtalyna taǵy 8 mıllıard teńgege jýyq ınvestısıa tartylmaq. Jobalar negizinen elimizdiń ishki qajettilikterin qamtamsyz etýge baǵyttalǵan. Negizgi ınvestorlar – Qazaqstan men Qytaı eli.