Respýblıkanyń kóp bóliginde qubylmaly aýa raıy kútiledi.
Respýblıkanyń basym bóliginde atmosferalyq frontaldy bólikterdiń ótýimen qubylmaly kún raıy qalyptasady: kún kúrkirep, jańbyr jaýady, burshaq jaýýy yqtımal, dep habarlaıdy Almaty-akshamy.kz
Eldiń shyǵysy men ońtústik-shyǵysyndaǵy taýly aımaqtarynda túnde jańbyr men qar, kúndiz jańbyr jaýady.
Joǵary atmosferalyq qysym Qazaqstannyń soltústik jáne ortalyq bólikterine yqpalyn saqtaıdy: kún ashyq ári jaýyn-shashynsyz. Bul rette, aýa temperatýrasynyń joǵarylaýy jalǵasady. Túnde eldiń kóp bóliginde 1-7 gradýs úsik saqtalady.
Respýblıka boıynsha jeldiń kúsheıýi, ońtústik óńirlerde shańdy daýyl boljanady.