Alataý aýdanynyń egý pýnktterinde 2 maýsymnan bastap kún saıyn vaksına alǵandarǵa 30 maýsymda ótetin lotereıa utystaryna qatysý usynyldy.
Alataý aýdany ákimdiginiń uıytqy bolýymen jáne kásipkerlik qaýymdastyqtyń qoldaýymen «Erteńgi kún – betperdesiz!» degen ataýmen aksıalar ótýde, dep habarlaıdy Almaty-akshamy.kz.
Utys oıyndary Alataý aýdanyndaǵy barlyq shaǵynaýdandarda, onyń ishinde 27 egý ortalyǵynda ótedi. Ekpe salý úshin 5 mobıldi brıgada jumys isteıdi. Olar vaksına salý úshin kásiporyndar men uıymdardy aralaıdy.
Alataý aýdanynyń bas dárigeri Álıa Mazbaeva aksıanyń koronavırýsqa qarsy vaksınanyń birinshi komponentin alǵan adamdar arasynda ótip jatqanyn aıtty. Kepildendirilgen júldelerdiń ishinde paıdaly zattar, ydys-aıaq jınaǵy, shash keptirgish, ámıan men súlgiler bar.
Sonymen qatar, barlyq vaksına alǵandar 30 maýsymda Alataý aýdany ákimdiginiń aldyndaǵy alańda ótetin júldelerdiń basty utys oıynyna qatysa alady. Úıge arnalǵan turmystyq tehnıka, tońazytqysh, kir jýǵysh mashına, qysqa tolqyndy pesh pen basqa da syılyqtar oınatylady.
Á. Mazbaevanyń aıtýynsha, aýdan turǵyndary vaksınany júldeli utys alý úshin emes, indetti juqtyrmaý maqsatynda alýda.
«Adamdar sanaly túrde kelip, vaksına alýda. Olar vaksınanyń pandemıaǵa qarsy turýdyń eń tıimdi quraly ekenin ári ımýndyq júıeni damytatynyn, tipti aýrý juqtyrǵan jaǵdaıda antıdenelerdi jedel qalyptastyratynyn, vırýsty joıatynyn biledi», — dep túsindirdi Á.Mazbaeva.
Vaksına qabyldamas buryn barlyq naýqastardyń jaǵdaıy baqylanady. Mindetti tekserýdi dáriger júrgizedi. Sondaı-aq vaksınadan keıin naýqasty 30 mınýt baqylaýda ustaıdy. Al, utys lotereıasyn alý úshin saýalnamany toltyrý qajet, beriletin barlyq kýpondar tirkeledi.
Erteń, 9 maýsymda, utys lotereıasy sońǵy ret oınalady.