Alataý aýdanynyń 48 kóshesinde ortasha jóndeý jumystary aıaqtaldy, dep habarlaıdy Almaty-akshamy.kz
Qazirgi ýaqytta Almatynyń Alataý aýdanynda uzyndyǵy 40 shaqyrym bolatyn 48 kóshesinde joldardy ortasha jóndeý aıaqtaldy. Shapaǵat shaǵyn aýdanyndaǵy uzyndyǵy 6,5 shaqyrym bolatyn taǵy 7 kóshede jol jóndeý jumystaryn jyl sońyna deıin aıaqtaý josparlanýda.
Jalpy, Almatynyń qalalyq mobıldilik basqarmasynyń tapsyrysy boıynsha 2023 jyly aýdanda uzyndyǵy 46,5 km 55 kósheni ortasha jóndeý josparlanǵan bolatyn.
Josparlanǵan kóshelerdiń birinde - Sháripov kóshesi boıynsha Raıymbek dańǵylynan Shuǵyla kóshesine deıingi trotýar abattandyryldy ári ortasha jóndeldi. Buryndary kóshege qatysty turǵyndardan shaǵym jıi túsetin. Kósheniń uzyndyǵy - 2640 m. Búgingi tańda jumystar tolyǵymen aıaqtaldy, osylaısha qoǵamdyq kólik baǵyttary qalpyna keltirildi.
Sondaı-aq, Qarasý shaǵynaýdanyndaǵy Balqýraı kóshesinde ortasha jóndeý jumystary aıaqtaldy. Azamattardy apta saıyn qabyldaýlarynyń birinde kóshe turǵyndary joldy asfálttaý týraly ótinishpen júgindi. Buǵan deıin jol ortasha jóndeý boıynsha jumys josparynda engizilmegen bolatyn. Aýdan ákimdiginiń ótinimi boıynsha Almatynyń qalalyq mobıldilik basqarmasynyń merdiger uıymy kóshe boıynsha jumystardy aıaqtady.