Injenerlik jelilerdi, jol jáne áleýmettik ınfraqurylymdy jáne qoǵamdyq kólikti damytý. Bul máseleler Alataý aýdanyndaǵy ákimdiktiń jumysy úshin basymdyq bolyp qala beredi. Bul týraly qala ákimi Erbolat Dosaev halyqpen kezdesýde aıtty.
Aýdan 75%-ǵa ortalyq sýmen jabdyqtaý jelilerimen jáne 67%-ǵa kárizben qamtamasyz etilgen. Sýmen jabdyqtaýdy jaqsartý úshin ne istelip jatyr:
"Aqbulaq" shaǵynaýdanynda tamyz aıynda 29 shaqyrym jeli iske qosyldy. Sonyń nátıjesinde 1,5 myń jeke turǵyn úı sýmen jáne ortalyq kárizben jabdyqtalǵan.
Jeltoqsan aıynda "Ójet" sh/a (83,41 km), "Samǵaý" sh/a (37,46 km) jáne "Shapaǵat" sh/a (37 km) jumystar aıaqtalady. Sonyń nátıjesinde taǵy 6 myń turǵyn úı sýmen jáne kárizben qamtamasyz etiledi.
"Qarasý", "Shańyraq-1", "Alǵabas", "Áıgerim-1,2", "Boraldaı" sh/a 170 km ortalyq jelisiniń qurylysy jalǵasýda. Bular 13 myńnan astam úıdi qamtıdy.
2023 jyldyń sáýir aıynan bastap "Terekti", "Bolashaq", "Túrkistan" jáne "Rahat-Mádenıet" sh/a 239 shaqyrym jelisiniń qurylysy bastalady. Bul jumys 2024 jyldyń jeltoqsanynda aıaqtalyp, 5 myńǵa jýyq úı sýmen jabdyqtaý jáne káriz jelilerine qosylady.