Alatau Aqparat medıaholdınginiń karıkatýrısi Ǵalym Smaǵululy halyqaralyq baıqaýda marapattaldy, - dep habarlaıdy aqshamnews.kz tilshisi.
Bıyl 18 qazanda Ystambulda 16-shy Halyqaralyq týrısik karıkatýrashylar baıqaýynyń marapattaý rásimi ótti.
Ǵalym Smaǵululynyń aıtýynsha, "Ystambulda týrıs bolý" degen taqyryppen ótken baıqaýǵa 49 elden 356 sýretshi 572 týyndymen qatysqan.
Jeńimpaz karıkatýrıster marapattaryn Ystambuldyń Beıoǵlý aýdanyndaǵy Metrohanda uıymdastyrylǵan saltanatta aldy.
"Jumysymyzdy joǵary baǵalaǵandary úshin baıqaýdyń uıymdastyrýshylary Nazmi Kozak myrza men Kerem Köfteoglu myrzaǵa, sondaı-aq, qazylar alqasynyń múshelerine shynaıy alǵysymdy bildiremin", - dedi Ǵalym Smaǵululy.
Baıqaý Túrkıa qonaqúıshileri qaýymdastyǵynyń (TÜROB), Ystambul qalalyq ákimshiliginiń týrızm departamentiniń jáne Ystambul kongres jáne kelýshiler búrosynyń qoldaýymen uıymdastyryldy.
Eresekter sanatynda:
- Mendı Azızı (Iran) birinshi oryn;
- Ómer Cham (Túrkıa) ekinshi oryn;
- Mojmır Mıhatov (Horvatıa) úshinshi oryn ıelendi.
Profesor Atıla Ózer arnaıy júldesin bolgarıalyq Alla jáne Chavdar Georgıevter, al Fehmı Kofteoglý atyndaǵy júldeni Qazaqstannan Ǵalym Boranbaev aldy.
Jastar sanatynda birinshi oryndy Mustafa Nasýh Ashyk (Túrkıa), ekinshi oryndy Defne Demırdjı (Túrkıa), úshinshi oryndy Sýdem Dýran (Túrkıa) jeńip aldy.