"Qaırattyń" bas bapkeri Rafael Orazbahtın "Pafospen" ótetin mach aldynda aqsha emes, nátıje men tarıh jasaý mańyzdy ekenin aıtty, - dep habarlaıdy aqshamnews.kz tilshisi.
Baspasóz máslıhatynda ol komandanyń basty maqsaty - el tarıhyndaǵy mańyzdy jetistikke jetý ekenin erekshe atap ótti.
"Pafosty" jeńgennen keıingi júlde qory bizdi esh qyzyqtyrmaıdy. Biz tarıh jasaǵymyz keledi. Olaı syrttan sógýge bolmaıdy, ondaı aıtyp jatqandar fýtboldy túsinbeıtinder. Biz aqsha úshin emes, shynaıy nátıje úshin oınaımyz. Chempıondar lıgasynda 15 jyldan beri alǵash ret oınap jatyrmyz. Jerge túsińdershi", - dedi Rafael Orazbahtın.
Erteń "Qaırat" Chempıondar lıgasy aıasyndaǵy ekinshi kezdesýin óz alańynda ótkizbek. Buǵan deıin almatylyqtar áıgili "Real Madrıdke" qarsy oınaǵan bolatyn. Bul joly komanda kıprlik "Pafospen" kezdesip, týrnırdegi tarıhı nátıjege qol jetkizýdi kózdeıdi.