Abaı oblysyndaǵy Alakól jaǵalaýyndaǵy demalys bazalarynda byltyr 200 myńnan astam týrıs kelgen, dep habarlaıdy almaty-akshamy.kz.
«QR memlekettik ulttyq tabıǵı parkteriniń aýmaqtarynda ekologıalyq týrızmdi damytýdyń 2024-2025 jyldarǵa arnalǵan Jol kartasy» sheńberinde Tarbaǵataı memlekettik ulttyq tabıǵı parkinde týrısik marshrýttar boıynsha tıisti jumystar qolǵa alynyp jatyr. Jalpy aýdany 143 550,5 gektar jáne 204 602 gektar qorǵaý aımaǵy bar saıabaqta jyl saıyn flora men faýnany qorǵaýǵa jáne tabıǵı kórikti jerlerdi saqtaýǵa baǵyttalǵan «Saıabaqtar sherýi» sıaqty ekologıalyq aksıalar ótkiziledi. Bul týraly Abaı oblysynyń Kásipkerlik jáne ındýstrıalyq-ınnovasıalyq damý basqarmasynyń basshysy Rústem Voroshılov ákimdik otyrysynda málimdedi.
«Ótken jylǵy demalys maýsymynda Alakólge 200 myńnan astam adam kelgen. Kýrorttyq aımaqta bir mezette 14 450 týrısi qabyldaı alatyn 230 ornalastyrý ornyn qosa alǵanda 435 kásipkerlik sýbektisi jumys isteıdi. Maýsymdyq kezeńde «TOURIST INFO» aqparattyq ortalyǵy jumys isteıdi. Onda úsh menedjer demalýshylarǵa qajetti aqparattyq qyzmet kórsetip, jadynamalar, broshúralar men jolserik kartalaryn tegin taratady.
2023 jyldyń 20 maýsymynda bekitilgen Jol kartasy sheńberinde 42 is-sharany qamtıtyn týrıserdiń laıyqty deńgeıde demalýyna jaǵdaı jasaý úshin aýmaqty abattandyrý jumystary júrgizilýde.
Kýrorttyq aımaqtyń tartymdylyǵyn arttyrý úshin birqatar shara josparlanýda. Atap aıtqanda, Kóktal aýylynan Qabanbaı aýylyna deıin uzyndyǵy 70 shaqyrym bolatyn 110 kV joǵary vóltty jeli tartý, Alakól jaǵalaýyn nyǵaıtý, kól jaǵalaýyn odan ári damytý úshin basqarýshy kompanıa qurý, Qabanbaı aýylynda qýaty jylyna 30 myń tonna bolatyn qatty turmystyq qaldyqtar polıgonyn salý, jaǵalaý boıymen jaıaý júrginshiler kóshesin abattandyrý, uzyndyǵy 8,2 shaqyrym bolatyn Qabanbaı aýylyndaǵy soltústik aınalma joldy qaıta jańǵyrtý», - dedi ol.
Bıyl óńirdiń birneshe aýdanynda mádenı-tanymdyq is-sharalar josparlanǵan. Abaı aýdanynda Qunanbaı Óskenbaıulynyń 220 jyldyǵy atap ótiledi. Sonyń aıasynda asyl tuqymdy jylqylar kórmesi, tarıhı-tanymdyq konferensıa, halyq ánderi men bı ansámblderiniń qoıylymdary ótedi.
Aqsýat aýdanynda Yrǵyzbaı Dosqanauly atyndaǵy dástúrli týrnır uıymdastyrylyp, at jarysy, aıtys jáne gala-konsert ótkizý kózdelip otyr. Besqaraǵaı aýdanynda «Sabantoı-2024» tatar ulttyq merekesi sporttyq sharalarmen, qaıyrymdylyq aksıalarymen jáne at jarystarymen atalyp ótilmek.
Aımaq basshysy Nurlan Uranhaev oblystaǵy týrızm salasyn damytý jergilikti atqarýshy bıliktiń negizgi mindetteriniń biri ekenin atap ótti. Osyǵan baılanysty týrıserdi tartýǵa áleýetti aýdan ákimderine jergilikti bıznes ókilderimen tyǵyz qarym-qatynasta bolyp, jumys isteýdi tapsyrdy.