Qazaqstannyń Premer-mınıstri Oljas Bektenovtyń Jetisý oblysyna jasaǵan sapary barysynda tanymal týrısik aımaq Alakól kóliniń janyndaǵy Úsharal áýejaıyn keńeıtý jospary týraly aıtyldy, dep habarlaıdy aqshamnews.kz.
«Bul nysan týrızmdi damytýda erekshe mańyzǵa ıe, sebebi týrpotoktyń artýyn eskere otyryp, Astana, Almaty jáne Taldyqorǵannan keletin reısterdi qabyldaıdy. Bıylǵy jyly áýe reısterin sýbsıdıalaýǵa 653 mıllıon teńge bólindi. Bul shamamen 20 myń bıletti 8000 – 18 000 teńge aralyǵyndaǵy baǵada satýǵa múmkindik berdi», – dep atap ótti Úkimettiń baspasóz qyzmeti.
Sonymen qatar, áýejaıda qosymsha termınal salý josparlanýda, ol qazirgi termınaldaǵy 50 jolaýshydan bólek, saǵatyna 75 jolaýshyny qabyldaı alady.
«Ótken jyly bul óńirge eki mıllıon týrıs keldi, 3,5 mıllıard teńge jeke ınvestısıa tartylyp, 17 jańa týrısik nysan paıdalanýǵa berildi», – dep málimdedi Úkimet.