Facebook-te 900 brend tegin velosıped taratylatyny týraly aqparat jarıalandy.
Jarnama 2023 jyldyń 5 sáýirinde ashylǵan Trek Bicycle Fans atty paraqshasynda shyqqan, dep habarlaıdy Almaty-akshamy.kz
Jarnamaǵa sensek, olar syzylyp qalǵan jerleri bolǵandyqtan satylmaı qalǵan, sondyqtan tegin berilmek.
Stopfake.kz faktchekıng saıty mundaı habarlandyrýlarǵa nege senbeý kerektigin túsindirdi.
"Jarnama 2023 jyldyń 5 sáýirinde ashylǵan Trek Bicycle Fans atty paraqshasynda shyqqan. Akkaýnttyń avatarynda velosıpedter men sporttyq kıimder shyǵaratyn Trek kompanıasynyń logotıpi paıdalanylǵan. Bul rette Trek kompanıasynyń resmı saıtynda da, Trek Bicycle Fans emes, Trek Bicycle dep atalatyn Facebook-tegi resmı paraqshasynda da 900 velosıpedti tegin taratý týraly aqparat joq", - delingen saıttaǵy jazbada.
Tegin velosıped alýdy usynǵan paraqshada barlyǵy osy habarlamany taratyp, mekenjaıy profılde kórsetilgen saıtta tirkelýi kerek delingen.
"Bul portal Trek kompanıasynyń resmı saıty emes jáne onda gramatıkalyq qateler kóp. Iaǵnı, bul kúmándi portal jáne onda jeke derekterińizdi qaldyrmaǵan jón. Portaldy paıdalanýshylardyń telefon nómirlerin, logınderin, parólderin, tólem kartalarynyń derekterin jáne basqa da aqparattaryn aldap alý úshin alaıaqtar jasaǵan sıaqty", - delingen habarlamada.