Alaıaqtar kóshten qalmaı, jylý jınaýǵa kóshken.
El ishindegi dúrbeleń sátti paıdalanǵan qýlar áleýmettik jeli arqyly tasqynnan zardap shekkenderge kómektesemiz dep aqsha jınaǵan. Soltústik qazaqstandyq polıseıler mundaı árbir úshinshi habarlamanyń jalǵan ekenin anyqtady, dep habarlaıdy Almaty-akshamy.kz 24.kz-ke silteme jasap.
Petropavl tóńiregin sý basqannan keıin WhatsApp jelisinde turǵyndar chat qurǵan. Onda tasqyn barysynda týyndaǵan máselelerdi talqylap, zardap shekkenderge kómek uıymdastyrǵan. Sóıtip, zardap shekken adamdardyń bank kartalarynyń nomeri men kómek suraǵan ótinishteri qaptaǵan. Biraq osy chattarǵa monıtorıń júrgizgen tártip saqshylary olardyń ishinen alaıaqtardy anyqtady.
«Úsh kún ishinde 6 úlken chatta 50-ge tarta jalǵan habarlandyrý anyqtaldy. Olardyń arasyndaǵy kómek týraly ár úshinshi habarlandyrý jalǵan bolyp shyqty. Habarlandyrýdyń barlyǵy joıyldy. Avtorlardyń chattaǵy nomerleri buǵattaldy», - deıdi oblystyq polısıa departamenti baspasóz qyzmetiniń aǵa ınspektory Nurbek Baekın.
.