Telegram messendjerinde qazaqstandyq bloger Sekanyń jalǵan akkaýnty paıda boldy, dep habarlaıdy Almaty-akshamy.kz.
Kıberqylmyskerler onyń atynan paıdalanýshylarǵa utysty alý úshin kem degende 100$ ınvestısıa salýdy usynady. Stopfake.kz bul alaıaqtyq sqema dep eskertedi.
Seka – Serǵazy Toqtarbektiń qysqartylǵan aty. Tanymal blogerdiń YouTube-te avtorlyq arnasy jáne Instagram áleýmettik jelisinde akkaýnty bar.
Serǵazy Toqtarbektiń atynan jyldam tabys tabý týraly feık rolıkter Qaznette bir jyldan astam ýaqyttan beri taralýda. Bizdiń saıt alaıaqtardyń vıdeony dıpfeık tehnologıasyn qoldana otyryp jasaǵany týraly jazǵan bolatyn.
Vaınerdiń ózi de resmı paraqshalarynda jyldam aqsha tabý týraly jalǵan habarlamalardy birneshe ret joqqa shyǵarǵan.
«Meniń qatysýymmen feık akkaýnttarda usynylǵan kez kelgen aqparat – alaıaqtardyń isi. Sizderge berilgen ýáde – ýáde bolyp qalady. Aqsha jibermeńizder. Aqsha tabý ońaı emes. Shynaıy aqparat, belgisi bar osy paraqshada ǵana (@sekavines) – dedi Seka jazylýshylaryna arnap jazǵan storızderiniń birinde.
Demek, belgili adamdardyń resmı paraqshalarynda jarıalanǵan aqparatqa ǵana senýge bolady. Sekanyń Telegram qosymshasyndaǵy resmı arnasy: @sekavines. Ózderin tanymal bloger dep tanystyrǵan adamdarǵa aqsha jibermeńizder.