Polısıa alaıaqtyqtyń jańa túrine baılanysty eskertý jasady.
Alaıaqtar endi ózderin medısına mamandary retinde tanystyryp, WhatsApp-qa qońyraý shalyp nemese habarlama jazyp jatyr, dep habarlaıdy Almaty-akshamy.kz
Olar dıspanserleý, flúorografıadan ótý qyzmetin usynyp habarlasady. Yńǵaıly kúndi tańdap, tirkelý úshin SMS-arqyly kelgen sandardy aıtýdy suraıdy.
"Eshqandaı jaǵdaıda kodty aıtpańyz! Alaıaqtar sizdiń jeke kabınetterińizge qashyqtan kirip, derbes derekterdi ıemdený arqyly nesıe rásimdeı alady. Bular buryn banktiń qaýipsizdik qyzmetkerleri nemese polısıa qyzmetkerleri bolyp habarlasqan alaıaqtar. Osy týraly jaqyndaryńyzǵa, ásirese, egde jastaǵy adamdarǵa aıtyńyz", delingen İshki ister mınıstrligi taratqan aqparatta.