Ál-Farabı dańǵylyn ortasha jóndeý jumystaryn bekitilgen ýaqytynan erte aıaqtaý josparlanyp otyr, dep habarlaıdy almaty-akshamy.kz
Qaladaǵy negizgi dańǵyldardyń birinde kólik qozǵalysy bekitilgen kestege sáıkes 31 tamyzǵa qaraı aıaqtalýy kerek bolǵan. Alaıda jóndeý jumystary 20 tamyzǵa deıin aıaqtalady dep josparlanyp otyr.
Ál-Farabı dańǵylynyń ońtústik betinde jumystar tolyǵymen aıaqtalyp, soltústik betinde Dostyq dańǵylynan Gagarın dańǵylyna deıin jóndelgen bolatyn. Endi 9 tamyz 23-00-den 11 tamyz 07-00 aralyǵynda dańǵyldyń Gagarın dańǵylynan Dýlatı dańǵylyna deıingi bóliginiń soltústik betinde polımerli asfáltbeton jabynyn tóseýge baılanysty kólik qozǵalysy tolyǵymen shekteledi.
Jol qozǵalysy qaýipsizdigin qamtamasyz etý úshin jáne ótkizý qabilettiligin arttyrý maqsatynda ortasha jóndeý kezinde kelesi sharalar qoldanylady:
- 10 tamyz saǵ. 07-00 men saǵ.24-00 aralyǵynda Gagarın dańǵylynan Dýlatı dańǵylyna deıin ońtústik betinde reversıvti kólik qozǵalysy uıymdastyrylady;
- qarańǵy ýaqytta jol kólik oqıǵalarynyń aldyn alý úshin 11 tamyz saǵ. 00-00 men 07-00 aralyǵynda batys baǵytta kólik qozǵalysy tolyǵymen shekteledi;
- 9 tamyz saǵ 23-00 men 11 tamyz saǵ.7-00 aralyǵynda Rozybakıev kóshesinen batys baǵytta burylys, Ál-Farabı dańǵylynan Naýaı kóshesine soltústik baǵytta burylysta kólik qozǵalysy shekteledi. Jóndeý jumystaryn Toraıǵyrov, Naýaı jine Mustafın kósheleri arqyly aınalyp ótýge bolady.
Jol qozǵalysyna qatysýshylardyń qaýipsizdigin patrúldik polısıa qyzmetkerleri qamtamasyz etedi. Reversıvti kólik qozǵalysy kezinde jyldamdyqty 40km\saǵ shekteý týraly belgiler qoıylyp, jolaqtar konýsty fıshkalarmen belgilenedi. Reversıvti qozǵalys aldynda eki jaqtan kólik aǵyndaryn bólip turatyn metal týrnıketter qoıylady.
Jol jóndeý jumystary jaıly sońǵy jańalyqtar qala ákimdigi men qalalyq mobıldilik basqarmasynyń resmı paraqshalarynda, Almaty jol telegram arnasynda, sonymen qatar, 2GIS jáne Iandeks karta qosymshalarynda qoljetimdi.
Esterińizge sala keteıik, Almatydaǵy magıstraldyq kóshelerge jol tósemin tóseýde alǵash ret jańa tehnologıalardy qoldanyldy. Asfáltbetondardyń quramynda polımerler qoldanylady. Mundaı qospalar tozýǵa tózimdi, jumsarý temperatýrasy joǵary (65-70°C), ystyqqa tótep berip, áldeqaıda uzaǵyraq qyzmet etedi. Qazirgi 5 jyldyń ornyna 8-10 jyl paıdalanýǵa bolady.
Jol jóndeý jumystary 2023 jylǵa josparlanǵan jumystar aıasynda júrgizilip otyr. Ýaqytsha qolaısyzdyqtar úshin keshirim ótinemiz. Bul qala joldary uzaǵyraq paıdalanýǵa qajetti shara. Marshrýtty aldyn ala josparlap alyńyzdar.
Almaty q. qalalyq mobıldilik basqarmasy