Almatynyń Medeý aýdanynda jylý jelilerin jóndeý úshin ál-Farabı dańǵylynyń bir bóliginde kólik qozǵalysy ishinara shekteledi, dep habarlaıdy aqshamnews.kz.
6 tamyz saǵat 08:00-den 7 tamyz saǵat 21:00-ge deıin Medeý aýdany ál-Farabı dańǵylynyń Meńdiqulov kóshesinen Dostyq dańǵylyna deıingi bóliginde jylý jelilerin jóndeý úshin kólik qozǵalysy shyǵys baǵytta ishinara shekteledi.
Kólik qozǵalysy batys baǵytta ashyq bolady.
Ýaqytsha shekteýler atalǵan kóshe bóliginiń kólik júretin jol bóliginiń astynan ótetin jylý qubyryn aldaǵy jylytý maýsymyna daıyndyq jumystarynyń qaýipsizdigin qamtamasyz etý úshin engizilip otyr.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.
Ýaqytsha qolaısyzdyqtarǵa túsinistikpen qaraýlaryńyzdy suraımyz.
«Almaty jylý júıesi» JSHS