Ál-Farabı atyndaǵy Qazaq ulttyq ýnıversıteti QS WUR halyqaralyq reıtıńinde kezekti ret joǵary nátıjege qol jetkizdi.
Bir jylda ýnıversıtet Top-200 ishinde 25 pozısıaǵa joǵarylap, 175-orynnan 150-orynǵa kóterildi, dep habarlaıdy Almaty-akshamy.kz QazUÝ-dyń baspasóz qyzmetine silteme jasap.
Álemniń úzdik ýnıversıtetterimen bir qatarǵa ornalasqan ál-Farabı atyndaǵy QazUÝ Qazaqstannyń joǵary oqý oryndary arasynda ǵana emes, Ortalyq Azıa men TMD elderinde óziniń kóshbasshylyq pozısıasyn dáleldedi.
QazUÝ-dyń úlken jetistikterge qol jetkizýi álemdik deńgeıdegi zertteý ýnıversıtetine transformasıalaný jumystarynyń nátıjesi bolyp tabylady.
QazUÝ-dyń jańa tabysy – iskerlik basshylyqtyń, oqytýshylar, ǵalymdar men bilim alýshylardyń qarqyndy jumysynyń jemisi.
Bul ýnıversıtettiń jahandyq básekege qabilettiliginiń jáne halyqaralyq bilim, ǵylym keńistigindegi tanymaldylyǵynyń aıqyn kórsetkishi.
Quacquarelli Symonds World University Rankings (QS WUR) halyqaralyq reıtıńiniń resmı nátıjeleri 2022 jyldyń 8 maýsymynda jarıalandy.
Bul reıtıńke dúnıejúziniń 2462 joǵary oqý orny qatysty, onyń ishinde tek 1422 JOO ǵana tıisti dárejelerge ıe boldy.
QS WUR álemniń úzdik ýnıversıtetteriniń reıtıńi 2004 jyldan bastap jarıalanyp keledi.
QS WUR reıtıńinde álemniń úzdik ýnıversıtetterin baǵalaý alty krıterıı negizinde júrgiziledi:
Akademıalyq bedel – 40 paıyz;
Jumys berýshiler arasyndaǵy bedel – 10 paıyz;
Oqytýshylar quramynyń stýdentter sanyna araqatynasy – 20 paıyz;
Dáıeksózder ındeksi – 20 paıyz;
Sheteldik oqytýshylardyń úlesi – 5 paıyz;
Sheteldik stýdentterdiń úlesi – 5 paıyz.