Ǵylym men tehnıka salasyna qoldaý artýda
Ǵylym men tehnıka salasyndaǵy ál-Farabı atyndaǵy memlekettik syılyǵyn berý jónindegi komısıanyń otyrysy ótti, dep habarlaıdy Almaty-akshamy.kz 24.kz-ke silteme jasap.
Memlekettik hatshy Qyrymbek Kósherbaevtyń tóraǵalyǵymen Qazaqstan Respýblıkasynyń ǵylym men tehnıka salasyndaǵy ál-Farabı atyndaǵy memlekettik syılyǵyn berý jónindegi komısıanyń qorytyndy otyrysy ótti.
Atalmysh memlekettik syılyq ǵylymı jańalyqtar ashqan, jańa tehnologıalar oılap tapqan ǵalymdarǵa, sondaı-aq ǵylymı-tehnıka jáne ınovasıa baǵytynda nátıjeli jumys atqaryp, elimizdiń áleýmettik-ekonomıkalyq damýyna aıtarlyqtaı úles qosqan mamandarǵa beriledi. 2021 jyly ál-Farabı atyndaǵy memlekettik syılyqqa úmitker 16 jumys kelip túsken.
Aldyn ala irikteýden keıin onyń 10-y ekinshi kezeńge ótken. Otyrys qorytyndysy boıynsha komısıa atalmysh memlekettik syılyqty berý úshin jumystar tizbesin bekitti. Endi ál-Farabı atyndaǵy memlekettik syılyǵyn berý týraly Qazaqstan Respýblıkasy Prezıdentiniń tıisti Jarlyq jobasy ázirlenetin bolady.
Atap ótý kerek, ál-Farabı atyndaǵy memlekettik syılyq ǵylym men tehnıka salasyndaǵy ǵalymdar úshin eń joǵary marapat.