Astanada MSAK boıynsha Almaty deklarasıasynyń 45 jyldyq mereıtoıyna, MSAK boıynsha Astana deklarasıasynyń 5 jyldyq mereıtoıyna, DDU-nyń 75 jyldyq mereıtoıyna arnalǵan MSAK boıynsha Jahandyq konferensıa ótkizý sheńberinde Botanıkalyq baqta «Sózden iske/ Walk the talk/ Ot slov k delý» uranymen qysqa qashyqtyqqa júgirý dástúrli aksıasy ótti, dep habarlaıdy almaty-akshamy.kz
Búgingi jarysqa qatysý úshin 800-den astam adam tirkeldi, olardyń ishinde birinshi qatarda Dúnıejúzilik densaýlyq saqtaý uıymynyń basshysy Tedros Gebreıesýs, DDU Eýropalyq óńirlik búrosynyń dırektory Hans Klúge, QR Densaýlyq saqtaý mınıstri Ajar Ǵınıat, elordalyq densaýlyq saqtaý uıymdarynyń medısına qyzmetkerleri, Astana medısına ýnıversıtetiniń stýdentteri, ártúrli sport túrlerinen Olımpıada chempıondary jáne belsendi ómir saltyn ustanatyn, sportpen shuǵyldanatyn qala turǵyndary bar.
İs-sharany ashqan QR Densaýlyq saqtaý mınıstrliginiń basshysy álemniń 80 elinen kelgen delegasıalardyń qatysýymen ótetin MSAK jónindegi jahandyq konferensıa sıaqty mańyzdy oqıǵalar qarsańynda DDU kez kelgen elde salamatty ómir saltyn ustanýdyń eń jaqsy kórinisi bolǵan osyndaı densaýlyq marafondaryn ótkizetinin atap ótti.
Doktor Tedros Gebreıesýs jarysqa qatysýshylardy da quttyqtap, MSAK-tyń adamdardyń densaýlyǵyn jaqsartýdaǵy erekshe rólin atap ótti.
«2018 jyly biz osyndaı is-shara ótkizdik, Almaty deklarasıasynyń 40 jyldyǵyn atap óttik jáne osy jerde men osy saıabaqta sóz sóıledim, aǵashtardyń óskenin kórgenime óte qýanyshtymyn! Astana deklarasıasyn qoldaýdyń, ilgeriletýdiń arqasynda sońǵy 5 jylda medısınalyq-sanıtarıalyq alǵashqy kómek te óziniń damýy men nyǵaıýyna ıe boldy. Bizdiń osynda bolýymyzdyń maqsaty bireý – bul marafonnyń maqsaty – sózden iske, bir jalǵyz maqsat - barlyǵyna densaýlyq saqtaýdy ilgeriletý, densaýlyq saqtaý qyzmetterimen jalpyǵa birdeı qamtýdy qamtamasyz etý», - dedi doktor Gebreıesýs Botanıkalyq baqta jarys bastalar aldynda sóılegen sózinde.
DDU basshysy barlyq qazaqstandyqtarǵa jaman ádetterden arylýǵa, alkogól men temeki shegýge qarsy turýǵa, fızıkalyq belsendi bolýdy usyndy.
DDU Eýropalyq ofısiniń dırektory doktor Hans Klúge: «Bul ómirdegi eń jaqsy kóretin nárse - medısınalyq oqý oryndarynyń stýdentterimen áńgimelesý, al ekinshisi - fızıkalyq belsendilik, siz qazir maǵan osy múmkindikterdi beresiz, bul jahandyq konferensıanyń óte shabyttandyratyn bastamasy», - dep moıyndady.
«Birneshe apta buryn sizderdiń mınıstrlerińiz Nú-Iorkte ótken BUU Bas Assambleıasynyń sheńberinde mańyzdy sesıalardyń birin ótkizdi. Siz óte jaqsy áser qaldyrdyńyz, barlyq delegasıalar Sizdiń kóshbasshylyq qabiletterińizdi atap ótti»,-dep moıyndady Malta Premer-Mınıstriniń orynbasary jáne densaýlyq saqtaý mınıstri Krıstofer Fırn (Shristopher Fearne).
«Osy demalys kúnderi meniń Malta elimde Medısınalyq tehnologıalar boıynsha dúnıejúzilik konferensıa ótti. Keshe Astanaǵa ushqanymda, meniń janymda Shvesıadan kelgen qyz ushaqta otyrdy, ol da Maltaǵa kópbeıindi konferensıaǵa ushyp keldi. Ol jasandy júrekterdi jasaý úshin jumys isteıdi. Onyń aıtýynsha, Astana - jasandy júrekteri bar elorda. Doktor Tedros pen Klúge aıtqandaı, eger sizder fızıkalyq belsendilikpen aınalysatyn bolsańyzdar, sizderge jasandy júrekter qajet emes, óz júrekterińiz jetkilikti bolady»,- dedi Malta Densaýlyq saqtaý mınıstrliginiń basshysy botanıkalyq baqtaǵy jarysqa qatysýshylarǵa sóılegen sózinde.
İs-sharanyń qurmetti qonaqtary retinde belgili sportshylar, birneshe dúrkin olımpıada júldegerleri, olardyń ishinde bokstan álem chempıony, QR eńbek sińirgen jattyqtyrýshysy Mereı Aqshalov, taekvondodan QR birneshe dúrkin chempıony, halyqaralyq týrnırlerdiń jeńimpazy, Álem chempıonattarynyń, Azıa chempıonatynyń qola júldegeri, Beıjiń Olımpıadasynyń qola júldegeri, Arman Chılmanov, eki dúrkin Olımpıada jáne aýyr atletıkadan tórt dúrkin álem chempıony, birneshe dúrkin álem rekordshysy Ilá Ilın, kórkem gımnastıkadan Azıa oıyndarynyń chempıony Anna Alábeva shaqyryldy.
Saýyqtyrý aksıasyna qatysýshylar úshin medısınalyq shatyrlar ornatylyp, jedel dıagnostıkadan ótip, qan qysymyn ólsheı alady.