Qoǵamdyq baqylaý komısıa ókilderi barlyq mekemege kedergisiz bara alady
Bul týraly QR İİM Qylmystyq-atqarý júıesi komıteti tóraǵasynyń orynbasary Meıram Aıýbaev QR Prezıdenti janyndaǵy OKQ-da ótken brıfıńte aıtty, dep habarlaıdy Almaty-akshamy.kz Baq.kz-ke silteme jasap.
«Búgingi tańda mundaı jaǵdaıda 23 adam bar, onyń 21-i Almaty qalasynyń №4 qalalyq klınıkalyq aýrýhanasynda, Atyraý oblystyq jáne Qyzylorda qalalyq aýrýhanalarynda bir-birden. Jappaı tártipsizdik barysyndaǵy qylmystar úshin barlyǵy qylmystyq-atqarý júıesi mekemelerine 691 adam jetkizildi, onyń ishinde 16-synyń bultartpaý sharasy úıqamaqqa alýǵa nemese eshqaıda ketpeý týraly qolhatqa aýystyryldy», - dedi ol.
Aıýbaev ataǵandaı, qazirgi ýaqytta tergeý ızolátorlarynda 675 adam ustalýda.
«Ulttyq aldyn alý tetigi men qoǵamdyq baqylaý komısıalarynyń ókilderi barlyq mekemege kedergisiz bara alatynyn atap ótý qajet, bul rette advokattardy óz klıentterine jiberý jáne saýqattardy berý shtattyq rejımde júzege asyrylady. İs júzinde barlyq óńir koronavırýstyq ınfeksıamen aýyrý deńgeıi boıynsha «qyzyl aımaqta» ornalasqanyn eskere otyryp, sanıtarıalyq-epıdemıologıalyq sharalar qatań saqtalady», - dedi Meıram Aıýbaev.