Air Astana áýekompanıasy Ázerbaıjannyń Qarabaqta bastaǵan operasıasyna qatysty úndeý jarıalady, - dep habarlaıdy Almaty-akshamy.kz Tengritravel.kz-ke silteme jasap.
Áýetasymaldaýshylar Air Astana jáne Fly Arystan Armenıa men Ázerbaıjan arasyndaǵy shekarany aınalyp usha bastady.
"Taýly Qarabaqtaǵy turaqsyz jaǵdaıǵa baılanysty "Eır Astana" kompanıalary tobynyń Túrkıaǵa, Eýropaǵa jáne Izraılge reıster sol aýmaqty aılanyp júzege asyrylady. Áýe kompanıasy jaǵdaıdy jiti qadaǵalap, ushý qaýipsizdiginiń barlyq sharalaryn qabyldaýda", - delingen habarlamada.
Tasymaldaýshynyń aıtýynsha, olar jaǵdaıdy baqylap otyr jáne ushý qaýipsizdigin qamtamasyz etý maqsatynda barlyq sharalardy qabyldaıdy.
Aıta keteıik, Ázerbaıjan Qarabaqta terorızmge qarsy is sharalar bastalǵanyn málimdedi. Nıkol Pashınán óz tarapynan Ázerbaıjanmen áskerı áreketterdi bastaýǵa múddeli emestigin aıtqan.
Armenıada, Erevan ortalyǵynda, Qarabaqtaǵy jaǵdaıǵa baılanysty antıúkimettik mıtıń bastaldy.