«Air Astana» AQ jáne «FlyArystan» AQ áýekompanıalaryna jolaýshylardyń quqyqtaryn saqtaýǵa qatysty arnaıy tekserý júrgiziledi, dep habarlaıdy aqshamnews.kz El.kz aqparat agenttigine silteme jasap.
«Air Astana» AQ men «FlyArystan» AQ-nyń tehnıkalyq sebepter boıynsha reısterdi keshiktirý jaǵdaılarynyń kóbeıýine, sondaı-aq jolaýshylardyń quqyqtaryn saqtaýǵa qatysty kóptegen shaǵymdarǵa baılanysty Kólik mınıstrliginiń Azamattyq avıasıa komıteti ushýlardyń toqtatylýy, keshigýi jáne tıisti qyzmetterdi kórsetpeý sebepterin, sondaı-aq Qazaqstan Respýblıkasynyń áýe keńistigin paıdalaný jáne avıasıa týraly zańnamasynyń talaptaryn buzýǵa baılanysty basqa da jaǵdaılardy anyqtaý úshin komısıa qurdy, - delingen Azamattyq avıasıa komıtetiniń málimetinde.
Sonymen qatar, «Qazaqstannyń avıasıalyq ákimshiligi» AQ bas dırektorynyń buıryǵymen «Air Astana» AQ men «FlyArystan» AQ-na jospardan tys tekserý júrgiziledi.
Komısıa jumysynyń jáne jospardan tys tekserýdiń nátıjeleri qosymsha habarlanady.
Esterińizge sala keteıik, keshe telejúrgizýshi Láılá Sultanqyzy «FlyArystan» áýe kompanıasyna aryzdanǵanyn habarlaǵan bolatynbyz.
Esterińizge sala keteıik, oǵan deıin «FlyArystan» áýe kompanıasynyń 12 jastaǵy balany bortqa kirgizbeı, dalada qaldyrǵany jaıly jazǵan bolatynbyz.