Bul jolǵy sebepte reısterdiń keshiktirilýine qatysty boldy
Fly Arystan Almaty – Atyraý baǵyty boıynsha reısti keshiktirgeni úshin Air Astana áýekompanıasyna aıyppul salyndy, dep habarlaıdy Almaty-akshamy.kz «Habar 24» saıtyna silteme jasap.
Komıtet ókilderiniń aıtýynsha, ındýstrıa jáne ınfraqurylymdyq damý mınıstri Qaıyrbek Óskenbaevtyń tapsyrmasy boıynsha AAK reısterdi keshiktirý kezinde jolaýshylardyń quqyqtaryn buzǵany úshin avıatasymaldaýshylardy jaýapkershilikke tartýdy jalǵastyrady.
«Tergeý barysynda 2022 jyldyń 16 shildesinde «Eır Astana» kompanıalar tobyna kiretin «Fly Arystan» bólimshesiniń Almaty – Atyraý baǵyty boıynsha KS-7202 reısi 12 saǵat 9 mınýtqa keshiktirilgeni anyqtaldy. Ushýdy kútken kezde osy reıstiń jolaýshylaryna Qazaqstan Respýblıkasynyń áýe keńistigin paıdalaný jáne avıasıa qyzmeti týraly QR Zańynyń 86-babynyń 1-bóliginde kózdelgen qyzmetter, atap aıtqanda, qonaq úıde turý boıynsha qyzmetter tıisinshe usynylmaǵan», – delingen habarlamada.
Osyǵan baılanysty bıyl 4 tamyzda áýekompanıaǵa qatysty QR Ákimshilik quqyq buzýshylyq týraly kodeksiniń 567-babynyń 2-bóligi boıynsha ákimshilik quqyq buzýshylyq týraly hattama jasalyp, oǵan sáıkes áýekompanıaǵa 1 000 AEK (3 063 000 teńge) mólsherinde aıyppul salynǵan.
«Bul «Eır Astana» áýekompanıasy tobynyń reıs keshiktirilgen kezde jolaýshylar quqyqtarynyń buzylýy sebebinen ótken aıda jalpy somasy 12 mln teńgeden asatyn ákimshilik jaýapkershilikke tartýdyń tórtinshi jaǵdaıy. Komıtet zańnamada kózdelgen mindettemelerdi oryndamaǵan jaǵdaıda avıatasymaldaýshylardy ákimshilik jaýapkershilikke tartý úshin qajetti sharalar qabyldaıdy», – dep atap ótti Azamattyq avıasıa komıtetiniń tóraǵasy Talǵat Lastaev.